AS AVENTURAS DE ULISES

O xoves 5 de marzo o alumnado de 1º, 2º de ESO e 3º PMAR asistiu a unha representación no Teatro Principal de Pontevedra. A obra era "As aventuras de Ulises"

SAÍDA A OURENSE

O luns 27 de maio o alumnado do Club de Lectura celebrou o final de curso cunha saída a Ourense. Foi unha xornada moi divertida e enriquecedora para todo o alumnado participante.
A saída consistiu nunha visita a casa do escritor galego Otero Pedrayo en Trasalba e na visita Ás termas de Outariz en Ourense. Aquí podedes ver unhas fotos.

Esperando o autobús.

Posando diante da casa de Otero Pedrayo en Trasalba.

 Esperando para entrar.

  

 Dentro da casa.

Dende o balcón a vista é marabillosa.

Saíndo da casa.

 Regresando ao autobús.

Despois de comer o alumnado gozou dun momento de relax nas Termas de Outariz.

Saíndo das Termas para regresar ás Neves.

Todos estiveron encantados coa excursión e pediron volver o próximo ano.

Antes da visita á casa de Otero Pedrayo en Trasalba, o alumnado do Club de Lectura cubriu un cuestionario con axuda de Internet sobre a vida e obra deste magnífico escritor.

UN MILLÓN DE LIKES

O Martes 26 de Marzo o alumnado de 1º e 2º de ESO asistiu a representación no teatro Salesianos de Vigo da obra "Un millón de likes". 

Aos rapaces e rapazas encantoulles a obra xa que era moi entretida. Ás profesoras gustounos porque se podía extraer unha ensinanza moi importante: aínda que ter amigos virtuais poden ser moi intersesante, é mellor pasar tempo cos amigos de carne e óso xa que con eles podes xogar e pasar momentos moi divertidos.

SAÍDA AO TEATRO. "ENTREMESES" DE CERVANTES

O venres 15 de febreiro o alumnado de 3º ESO e 1º de BACH asistiu a unha representación teatral no Teatro Salesianos de Vigo. Os dous actores e as dúas actrices deleitaron aos rapaces cunha magnífica actuación de dous entremeses de Cervantes: "La Cueva de Salamanca" e "El Vizcaíno Fingido".

Nestas fotos podedes ver ao alumnado esperando o comezo da representación. Estabamos en primeira fila.

 Os actores e actrices durante a representación de "O Vizcaíno Fingido"

 Ao final da obra houbo un coloquio co alumnado presente na sala. O nosos rapaces fixeron preguntas moi interesantes.

TEATRO "LA CASA DE BERNARDA ALBA"

Os alumnado de 4º de ESO e 2º de BAC asistiron hoxe a representación teatral da obra de Federico García Lorca "La casa de Bernarda Alba". 

Esperando o comezo da representación.

Despois da actuación, as actrices responden ás preguntas do público.

A saída, o alumnado do Club de Lectura de Literatura Feminista posa con dous dos tres profesores acompañantes. 

SAÍDA AO TEATRO

O luns 14 de xaneiro, o alumnado de 1º de ESO e de 3º PMAR asistiron a unha representación teatral da obra "La vuelta al mundo en 80 días"no teatro Salesianos de Vigo. Os rapaces e rapazas de 1º de ESO e de 3º de PMAR leran o libro na clase, polo que puideron comprobar se a representación  reproducía fielmente a obra.