BIBLIOTECARIO POR UN DÍA

O alumnado do Club de Lectura de 3º de ESO visitou a Biblioteca do concello para coñecer o traballo dun bibliotecario.

Primeiro David, o bibliotecario, explicoulles ao alumnado todo o que pode ofrecer unha biblioteca municipal a todos os seus usuarios.

Despois ensinoulles as distintas seccións dos libros, como se catalogan e como se colocan nas estanterías.

A continuación explicoulles o funcionamento do programa Koha e invitou a dous alumnos a facer un carné da Biblioteca a unha compañeira e a un compañeiro.

Ao final comentoulle aos rapaces e rapazas que o traballo de bibliotecario pode ser unha saída profesional moi interesante.

Agradecemos a David que nos propusera esa actividade tan bonita.

RECITAL POETICO MUSICAL: ROMANCERO GITANO

Hoxe, o grupo trobar-dos agasallounos cunha versión musical do Romancero Gitano de Federico García Lorca. Anxo Abalde, o profesor de música do noso centro e Alfredo Pérez, un antigo compañeiro, deleitaron ao público asistente, alumnado de 2º de BACH e 4ª de ESO. A actuación tivo lugar na nosa Biblioteca.

ESCARLATINA E A COCIÑEIRA DEFUNTA

Esta semana, co gallo do Samaín, recomendo o libro "Escarlatina, a cociñeira defunta" de Ledicia Costas.

Como Román Casas quería ser un auténtico chef, pediulle aos seus pais un curso de cociña para o seu décimo aniversario, que coincide co Día de Defuntos, a festa dos mortos. E nese día tan especial recibiu un megasusto, un agasallo moi singular, un cadaleito acompañado dun sobre negro onde viñan as instrucións para activar a Escarlatina, unha cociñeira falecida no século XIX que nunca se separa de Lady Horreur, un arrepiante arañón con acento francés. A bordo do mortobús, os tres novos amigos e mais o gato Dodoto viaxarán ao Inframundo, onde os defuntos viven baixo as ordes de Amanito, o tirano que goberna no Alén coa axuda dos funguiños: os seus terroríficos esbirros. Unha ducia de moi gorentosas e larpeiras receitas, as máis sabedeiras do mundo dos vivos e dos mortos, dan paso a cada un dos bocados desta historia de humor macabro que estimula o apetito do lector e a curiosidade polo mundo da cociña.

NOVIDADES DE LECTURA DO MES DE MARZO

 Presentamos as novidades de lectura do mes de marzo.

AL OTRO LADO DEL ESTRECHO

Esta semana recomendo un libro titulado Al otro lado del estrecho de Nicole Boumaâza.

O pai de Nadia leva moitos anos en paro. Non quere volver a Marrocos, e tampouco logra adaptarse ós costumes europeos, a pesar de que aí formou unha familia. Por ese motivo, cando a súa muller decide divorciarse, aproveita as vacacións para levar aos nenos a súa terra y afastalos así da súa nai. A eles non lles gusta a súa nova vida no campo: senten que son estranxeiros e botan de menos a súa antiga vida. Un retrato realista dos problemas que plantexa a emigración e a busca da identidade cultural.

RECOMENDACIÓNS LECTORAS PARA O VERÁN

Desde a Biblioteca das Neves queremos facer as nosas recomendacións lectoras para o verán. 

Felices vacacións

NOVIDADES DE LECTURA DO MES DE XUÑO

Presentamos as novidades de lectura do mes de xuño.