Biblioteca Rosalía de Castro : Celebracións

Mostrando entradas con la etiqueta Celebracións. Mostrar todas las entradas

17/12/20

SORTEO DUNHA CESTA DE NADAL

O venres 18 de decembro non vos perdades o sorteo da "Cesta de Nadal". Os que teñades rifas, asistide á entrada do edificio novo no primeiro recreo e, que haxa sorte!

Para conseguir as rífas, traede alimentos non perecedoiros, produtos de limpeza, de aseo persoal e de Nadal para unha recollida solidaria.

A Cesta contén libros, unha camiseta, libretas, rotuladores, unha mochila, un bolso e outras sorpresas emocionantes.

26/10/20

27/9/20

CONCURSO DE RELATOS DE MEDO

A Biblioteca Rosalía de Castro do IES Pazo da Mercé convoca un Concurso de Relatos de Medo en galego para celebrar o Samaín coas seguintes bases:

1: Participantes:

· Poderá participar todo o alumnado do Centro Ies Pazo da Mercé.

2: Tema:

· A redacción será en galego.

· Os alumnos deberán elaborar unha redacción relatando unha historia de medo.

3: Características da Redacción:

· As redaccións poderán presentarse escritas a man, en folio DIN-A4 por unha cara. Deberán ter marxes, boa presentación, boa caligrafía e non ter faltas de ortografía.

· Tamén se poden enviar ao seguinte correo electrónico: monsantosprofe@gmail.com.

· Deben levar o nome, apelidos e curso do alumno/a.

· Só se aceptará unha redacción por participante.

4: Lugar de entrega e prazos:

· As redaccións entregaranse aos profesores de lingua castelá ou enviaranse por correo electrónico.

· A data límite de entrega dos traballos será o 15 de outubro.

5: Xurado:

· O xurado estará composto polos membros do Equipo da Biblioteca, presidido pola Coordinadora, dona Montserrat Santos Barroso.

· O resultado do concurso darase a coñecer na entrada do edificio novo o venres 30 de outubro no primeiro recreo.

6: Premios:

· Haberá dúas categorías cun premio cada unha:

a) 1º e 2º de ESO.

b) 3º e 4º de ESO, Bacharelato e Ciclos.

· Os gañadores recibirán un libro e un vale de 5 € para a cafetería.

7/6/20

DÍA DO MEDIO AMBIENTE

O venres 5 de xuño celebramos o Día do Medio Ambiente. O noso alumnado, sempre tan colaborador, enviou fotos relacionadas con esta data tan especial. Con elas fixemos unha montaxe.

23/4/20

DÍA DO LIBRO 2020

Hoxe celebramos o Día do Libro lonxe do noso alumnado, pero eles, desde as súas casas, enviaron fotos dos seus libros favoritos. Con elas fixemos esta montaxe.

Nas Bibliotecas Escolares de Galicia editouse un díptico para conmemorar este día 23 de abril de 2020 cun texto de Manuel Gago.

FELIZ DÍA DO LIBRO A TODOS

16/3/20

CELEBRACIÓN DO DÍA DA MULLER TRABALLADORA

No IES Pazo da Merce celebramos o Día da Muller Traballadora con varias actividades detalladas no seguinte cartel.

O 3 de marzo procedemos a pendurar as batas, simbolo do traballo non recoñecido da muller, na entrada do instituto.

O 5 de marzo proxectamos o documental: Polas bravas e tivemos unha charla coa directora Eva Pesqueiras. Trátase dunha curta onde se pon en valor o traballo de seis mulleres que emprenderon negocios co que darlle vida ao rural galego. Ao longo do vídeo pódese ver como a figura da muller traballadora loita co seu esforzo para sacar adiante as súas iniciativas e darlle un sentido económico ao mundo rural galego, ademais de destacar outras virtudes da vida no campo. Os traballos artesanais e a dobre labor de ter que atender á familia combinado co traballo fóra da casa están presentes en todo o documentario.

O 6 de marzo realizamos no patio do noso centro unha Performance: fóra batas dos nosos corpos.

O 9 de marzo houbo unha charla impartida por Lara Barcelo: A muller no audiovisual.

2/2/20

CELEBRACIÓN DO DÍA DA PAZ 2020

O Xoves 30 de xaneiro celebramos o Día da Paz no patio cuberto do noso centro coas seguintes actividades:

Un grupo de alumnos e alumnas presentaron a figura de Isabel Zendal aos seus compañeiros.

A continuación o Comando Igualdade e Diversidade presentou o seu programa aos compañeiros e compañeiras.

Despois fixemos unha Perfomance: rodea o instituto. O noso alumnado uniu os seus brazos igual que fixeron os 22 rapaces que colaboraron na propagación da vacina da varíola para conseguir un mundo mellor.

O alumnado realizou un mural sobre ISabel Zendal.

26/1/20

BIBLIOTECA. DÍA DA PAZ 2020

Na Biblioteca fixemos unha exposición sobre Isabel Zendal e a Expedición da Varíola.

ANUNCIO DA CELEBRACIÓN DO DÍA DA PAZ 2020

O día 30 de xaneiro celebraremos o Día da Paz no patio cuberto coas seguintes actividades:
1 - Presentación por parte da rapazada da figura de Isabel Zendal.
2 - Presentación do Comando Igualdade e Diversidade do Instituto.
3 - Perfomance: rodea o instituto. Emulando o logro da vacina da varíola grazas a unha rapazada que, brazo a brazo, colaborou para conseguir un mundo mellor, nós tamén uniremos os nosos brazos.

20/12/19

CONCURSO DE FOTOGRAFÍA "O OUTONO NO MONTE". SORTEO DA CESTA DE NADAL

O martes 17 de decembro coñecemos o resultado do concurso de fotografía "O outono no monte". O alumnado que participou estaba moi nervioso esperando a proclamación dos gañadores.

O 1º Premio foi para Ismael Alonso Cerqueira de 1º ESO B. Recibiu un vale de 20 euros para libros e material escolar que pode trocar na librería "Ler e punto" das Neves e un regalo sorpresa. Esta é a foto gañadora.

Aquí recibindo o premio.

O 2º Premio correspondeu a Irene Fernández Álvarez. Recibiu un vale de 15 euros para libros e material escolar que pode trocar na librería "Ler e punto" das Neves e un regalo sorpresa. A continuación podedes ver a fotografía gañadora.

Aquí recibindo o premio.

O 3º Premio foi para Pablo Martínez García. Recibiu un vale de 10 euros para libros e material escolar que pode trocar na librería "Ler e punto" das Neves e un regalo sorpresa. Esta é a foto gañadora.