Biblioteca Rosalía de Castro : Ciencia divertida; Experimentos

Mostrando entradas con la etiqueta Ciencia divertida; Experimentos. Mostrar todas las entradas

17/3/16

Escoitando ás neuronas, con Xurxo Mariño

18/2/16

PESCUDANDO NA ORIXE DA MATERIA. O BOSÓN DE HIGGS DENDE O CERN

Mañá venres, 19 de febreiro, estará con nós Cibrán Santamarina Ríos, natural da Fonsagrada; físico e profesor da Universidade de Santiago de Compostela.

Conta cun amplo currículo científico:

Licenciado en Física pola Universidade de Santiago de Compostela (USC) no ano 1995. Fixo o seu doutoramento no experimento Dirac do CERN na medición do tempo de vida pionium e defendeu a súa tese en abril do 2001.

Dende setembro do 2001 ata febreiro do 2004 traballou como "research associate" posdoutoral na Universidade de Basilea (Suiza), tamén en Dirac, que publicou no ano 2005 a primeira medida do tempo de vida do pionium.

En marzo do 2004 comezou a traballar como “research fellow” do CERN onde se concentrou na selección dos electróns e fotóns de alto momento transverso no experimento ATLAS. Posteriormente, en xuño do 2006, mudouse a Montreal contratado pola McGill University, tamén en ATLAS, traballando na selección de jets de alto momento transverso e na busca do bosón de Higgs.

En xaneiro do 2011 voltou á USC onde é profesor contratado doutor dende decembro dese ano. Na actualidade traballa no experimento LHCb do CERN e en entender a violación da simetría de Carga-Paridade na desintegracións de partículas que conteñen un quark b.

Agardamos impacientes a súa visita para comezar unha viaxe pola orixe da materia!!!

1/12/15

Do Miño a Galiciencia

Enlace a Galiciencia 2015, a maior feira científica de Galicia.

Está patrocinada pola Consellería de Economía e Industria e celébrouse no Parque Tecnolóxico de Galicia-Tecnópole os días 18,19 e 20 de novembro. A estrela da feira foi a exposición de proxectos de investigación e innovación presentada por equipos de estudantes de todas as idades, acompañados polos seus profesores.

A continuación deixámosvos algunhas pegadas do noso traballo:

O Río Miño Dende o Ies Pazo da Mercé

O obxectivo do noso traballo foi avaliar o estado ecolóxico e ambiental do Río Miño entre as localidades de Arbo e Moçao. Para levalo a cabo medíronse distintos parámetros físico-químicos e biolóxicos.

Podes velo nos seguintes enlaces; resumo e/ou presentación.

E velaquí tedes as instantáneas do noso paso por GALICIENCIA:

Ana e Miguel foron os encargados de presentar o proxecto levado a cabo polo alumnado de 1º de Bacharelato de F/Q no curso 2014/2015: Adrian Rocha, Ana, Ángel, Ángeles, Carlos Alonso, Daniel Duque, Iván Casas, Marcos, Sheila e Yazmina, xunto ca súa profesora Nuria López e Juan Santos Echeandía investigador do CSIC de Vigo.