Biblioteca Rosalía de Castro : Día da Poesía

Mostrando entradas con la etiqueta Día da Poesía. Mostrar todas las entradas

21/3/20

DÍA DA POESÍA

Hoxe é o Día da Poesía. Neste momento non podemos celebralo co alumnado no noso instituto pero quixera retomar a celebración do Día de Rosalía xa que algúns alumnos e alumnas obsequiaron aos seus compañeiros e profesores cunhas flores de papel acompañadas dun poema feminista de Rosalía. A continuación escribo aquí o poema que me regalaron a min.

	Ladraban contra min, que camiñaba
	casi que sin alento,
	sin poder co meu fondo pensamento
	i a pezoña mortal que en min levaba.
	I a xente que topaba,
	ollándome a mantenta,
	do meu dor sin igual i a miña afrenta,
	traidora se mofaba.
	I eso que nada máis que a adiviñaba.
	«Si a souperan, ¡Dios mío!,
	-penséi tembrando-, contra min volvera
	a corrente do río».
	Buscando o abrigo dos máis altos muros,
	nos camiños desertos,
	ensangrentando os pés nos seixos duros,
	fun chegando ó lugar dos meus cariños,
	maxinando espantada: «Os meus meniños
	¿estarán xa despertos?
	¡Ai, que ó verme chegar tan maltratada,
	chorosa, sin alento e ensangrentada,
	darán en se afrixir, malpocadiños,
	por súa nai mal fadada!». Pouco a pouco fun indo, i as escaleiras con temor subindo, co triste corazón sobresaltado. ¡Escoitéi...! Nin as moscas rebullían. No berce inda os meus ánxeles dormían, ca Virxen ó seu lado.

21/3/19

DÍA DA POESÍA, 21 DE MARZO

A Biblioteca conmemorou o Día da Poesía cun vídeo onde alumnado de 3º de ESO leu o poema de Rosalía de Castro "Adios Ríos, Adios Fontes". A continuación podedes escoitalo.

O que pretendemos foi relacionar a Poesía coa Natureza dentro do proxecto "O Monte nace na Escola". Escollemos un poema de Rosalía como homenaxe a poetisa que da nome a nosa Biblioteca.

Tamén organizamos unha exposición con libros de poesía.

Ademais o alumnado expuso nas ventás da Biblioteca os carteis que estiveron elaborando para celebrar este día tan especial.

20/3/19

O MONTE NACE NA ESCOLA

O alumnado de 1º de ESO participou hoxe nunha actividade ao aire libre onde quixemos unir o Proxecto "O Monte nace na Escola" e o Día da Poesía que se celebra mañá. Foi moi fermoso combinar a poesía e a natureza.

En primeiro lugar, os rapaces e rapazas achegaronse ao Camelio e Xana, unha alumna de 1º de ESO B, recitou un poema escrito por ela.

A continuación, o alumnado subiu á plantación e estivo arrincando os eucaliptos que ían nacendo. As profesoras ensináronlles a conveniencia de arrincar os eucaliptos porque son especies invasoras.

Despois, Ismael de 1º ESO B recitou un poema inventado por el.

Por último, Xana e outros alumnos recitaron máis poemas no monte que rodea ao noso Instituto nun fermoso día que invitaba a desfrutar da natureza.

19/3/19

PREPARACIÓN DO DÍA DA POESÍA

O próximo 21 de marzo celebraremos o Día da Poesía. O alumnado de 3º de PMAR preparou unha exposición para celebrar esa importante efeméride. Copiaron as súas poesías favoritas e as pegaron en cartolinas para colocalas na Biblioteca. Aquí podedes ver algunhas fotos do alumnado traballando.

Tamén prepararon un vídeo lendo o poema de Rosalía de Castro "Adeus ríos, Adeus fontes". A continuación podedes ver fotografías da gravación.

17/2/19

CONCURSO DE POESÍA

BASES CONCURSO DE POESÍA

Co motivo do Día da Poesía que se celebra o día 21 de marzo, a Biblioteca Rosalía de Castro do Ies Pazo da Mercé organiza un Concurso de Poesía coas seguintes bases:

1: Participantes:

· Poderán participar todo o alumnado do Centro Ies Pazo da Mercé.

2: Tema:

· A poesía será en galego.

· O tema será libre.

3: Características da Poesía:

· Os poemas deberán presentarse escritos a man, en folio DIN-A4 por unha cara. Deberán ter boa presentación, boa caligrafía e non ter faltas de ortografía.

· Deben levar o nome, apelidos e curso do alumno/a.

· O alumnado pode presentar un ou varios poemas.

4: Lugar de entrega e prazos:

· Os poemas entregaranse na Biblioteca durante calquera recreo.

· A data límite de entrega dos traballos será o 21 de marzo, o Día da Poesía.

5: Xurado:

· O xurado estará composto polos membros do Equipo da Biblioteca, presidido pola Coordinadora, dona Montserrat Santos Barroso.

· O resultado do concurso darase a coñecer na Biblioteca, o martes, 23 de abril, Día do Libro na hora do recreo.

6: Premios:

· O alumno/a gañador/a recibirá un libro e material escolar.

16/3/15

Xogando coa poesía

O 21 de marzo celébrase o Día Mundial da Poesía e nós queremos celebralo de forma lúdica e compartida. Pero para iso, precisamos da túa creatividade!

Temos dous concursos de poesía e podes presentar as túas obras nas diferentes linguas que se estudan no centro e entregalas na biblioteca para a fase de concurso-exposición!

Concurso de caligramas e de

"Acrósticos con nome propio"

Lembras a última exposición de caligramas?